ICH SCHLACHTE MEINE GEDANKENWÜRMER

Mann, ich will äifach mol wider ganz ohni viil und sicher nid erschd morn!
Wenn du abr immr so sau dumm muesch due und nie chasch ufhöre eifach ständig ei Wort z'schribe!

Merksch du denn nid, dass du und dini Wurschdwegge scho lang nüm zämme irgendöbbis speziells zum Ustruck chönne bringe, odr susch irgendwie eifach moll ganz spontan und ungezwunge chöne sii und drbi blibe, ganz unkompliziert!

Genau! 

Will alles andere isch sowieso viil zu sehr mega feschd so wies nid sött sii, so, genau so wies scho immer xii isch, abr jetzt isch ärnschthaft alles kaputt!
Mis Härz!
Min Verstand!
Min Glaube an Die Allerheiligste Nudel!

Drum will ich äifach mol widr mit dr flache Hand uffe Tisch haue und mit fester Stimm, allne wältliche Problehm zum Trotz, mi Läid rülpse, sodass jede um mi ume sich nüm länger cha zruggheebe und e tosende Aplaus usbricht, während ich mini Gedankewürmli schlacht und mindestens 7 mol muess niesse, obwohl ich weder verbohrt, no verstopft bi!

Ich ha äifach nur e chli Sabber, wo in mim linke Muulegge scho es ganzes wiili unapetitlich am iitrockne isch ohni Ufseh z'errege, abr trotzdäm stetig wachsend, bis ins Unermässliche, bis es in minere Vorstellig explodiert und als ekelerregendi Schlimexplosion widr vo mir usegwürkt wird.

Und jetzt ligts vor mir. 

Als ob ichs nid scho längschdens verdaut hätt.

Ich ha angschd vo dr Widrholig, die ewigi Schlaufe vor mir immr und immr widr ablaufe z'xeh.

Au wenn ich si äigentlich lieb, will si mis innerschde unverblüemt widrschbieglet, fühl ich doch, dass ich mi langsam abr sicher vrabschid vo dr Sicherhäit, dr untrschde Schduefe und vo dere zerschdörerische Illusion.

Drum schüttle ich mi Chopf, entspann mini Schultere und verabschied mi!

Adiö mit dr Hand!

(Munkelchen, Schmuckstück, Emma, Chico, Del.Nuu :)